Għal dawk li jħobbu jkollhom vaganza għall-ikkampjar fl-Unjoni Ewropea (UE), kien hemm 28 400 post ta’ kampeġġ irreġistrati fl-2017 minn fejn jagħżlu.
Madwar żewġ terzi ta’ dawn il-postijiet ta’ kampeġġ kienu f’erba’ Stati Membri biss: Franza (28 %), ir-Renju Unit (17 %, dejta tal-2016), il-Ġermanja u l-Pajjiżi l-Baxxi (it-tnejn 10 %).
Il-viżitaturi qattgħu total ta’ 397 miljun lejl f’postijiet ta’ kampeġġ tal-UE fl-2017, li jammontaw għal 12 % tal-iljieli kollha li qattgħu f’akkomodazzjoni turistika fl-UE.It-tliet pajjiżi bl-ogħla numru ta’ ljieli turistiċi li qattgħu f’postijiet ta’ kampeġġ fl-2017 kienu Franza (31 % tal-iljieli kollha li qattgħu f’postijiet ta’ kampeġġ fl-UE), l-Italja (14 %) u r-Renju Unit (13 %).
It-tliet pajjiżi bl-ogħla proporzjon ta’ ljieli turistiċi li qattgħu f’postijiet ta’ kampeġġ fl-2017 kienu d-Danimarka (33 % tal-iljieli kollha li qattgħu f’akkomodazzjoni turistika fil-pajjiż), il-Lussemburgu (32 %) u Franza (29 %).
Ħin tal-post: Mar-24-2022
